Հրասանդի պայթում` Սուրբ Աթոռի Տամասկոսի դեսպանութեան մէջ։
Ռատիովատիկանի հետ ունեցած հեռաձայնային զրոյցի ընթացքին, Սուրբ Աթոռի Սուրիոյ մօտ առաքելական
դեսպան` գերապայծառ Մարիօ Զէնարի, յայտնած է թէ երեքշաբթի 5 նոյեմբերի առաւօտեան կանուխ,
Տամասկոսի մէջ գտնուող Սուրբ Աթոռի դեսպանութեան վրայ հրասանդի հրթիռ մը ինկած է, պատճարելով
միայն, բարեբախտաբար, նիւթական վնասներ։ Առաքելական դեսպանը ապա անդրադառնալով
սուրիական տագնապին ակնարկած է քրիստոնեաներու ապրած մտահոգիչ կացութեան, ի տես անոնց
դէմ, վերջին շրջնաին գործադրուած արարքներուն։ Գերապայծառ Զէնարի յատուկէն մատնանշած
է նաեւ մանուկներու կրած ու ապրած տառապանքներուն, կոչ ուղղելով որ վերջ դրուի եղբայրասպան
պատերազմին եւ մանուկներուն կարելիութիւն տրուի ապրելու խաղաղ եւ օրինաւոր կեանք մը։